2016 جىلعى 13 قاڭتار, استانا قالاسى
جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري,
ارناۋلى وقۋ ورىندارىنا وقۋعا قابىلداۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 9) تارماقشاسىنا جانە «قازاقستان رەسپۋبليكاسىنىڭ ارناۋلى مەملەكەتتىك ورگاندارى تۋرالى» 2012 جىلعى 13 اقپانداعى قازاقستان رەسپۋبليكاسىنىڭ زاڭى 10-بابىنىڭ 2-تارماعىنا سايكەس بۇيىرامىن:
1. وسى بۇيرىققا 1-قوسىمشاعا سايكەس جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا وقۋعا قابىلداۋ قاعيدالارى بەكىتىلسىن.
2. وسى بۇيرىققا 2-قوسىمشاعا سايكەس قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ كەيبىر بۇيرىقتارىنىڭ كۇشى جويىلدى دەپ تانىلسىن.
3. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كادرلار دەپارتامەنتى:
1) وسى بۇيرىقتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپتە قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
4. بۇيرىقپەن قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ قىزمەتكەرلەرى مەن اسكەري قىزمەتشىلەرى تانىستىرىلسىن.
5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى م.ءو. قالقاباەۆقا جۇكتەلسىن.
6. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ۆ.جۇماقانوۆ
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ
2016 جىلعى 13 قاڭتارداعى №2 بۇيرىعىنا 1-قوسىمشا
جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا وقۋعا قابىلداۋ قاعيدالارى
1. جالپى ەرەجەلەر
1. وسى جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ (بۇدان ءارى – ۇقو) اسكەري, ارناۋلى وقۋ ورىندارىنا وقۋعا قابىلداۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ ازاماتتارىن (بۇدان ءارى – ازاماتتار) جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ (بۇدان ءارى – ۇقو) اسكەري, ارناۋلى وقۋ ورىندارىنا (بۇدان ءارى – ۇقو جوو) وقۋعا قابىلداۋ ءتارتىبىن بەلگىلەيدى.
2. ۇقو جوو «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-1 بابى 16) تارماقشاسىنا سايكەس جوعارى ءبىلىم جانە جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا ءبىلىم الۋشىلاردى قابىلداۋدى جۇزەگە اسىرادى.
3. ۇقو جوو-دا جوعارى ءبىلىم جانە جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا كادرلاردى دايىنداۋ كادرلارعا قاجەتتىلىك (بۇدان ءارى – تارتىپتەمە) نەگىزىندە جۇزەگە اسىرىلادى. تارتىپتەمەنى ۇلتتىق قاۋىپسىزدىك كوميتەتى (بۇدان ءارى – ۇقك) كادرلار دەپارتامەنتى (شەكارا قىزمەتىنىڭ كادر قىزمەتى) ازىرلەيدى جانە وقۋ جىلىنىڭ الدىنداعى جىلدىڭ 1 قاراشاسىنا دەيىن ۇقك توراعاسى بەكىتەدى.
4. ۇقك ورگاندارىنىڭ كادر قىزمەتتەرى تارتىپتەمەنى بەكىتكەننەن كەيىن:
1) بۇقارالىق اقپارات قۇرالدارىنا, ونىڭ ىشىندە ۇقك رەسمي ينتەرنەت-رەسۋرسىنا ءوتىنىش بەرۋ مەرزىمدەرى, سونداي-اق وسى قاعيدالاردىڭ 12-تارماعىندا بەلگىلەنگەن وتىنىشكە (بايانات) قوسىمشا تىركەلەتىن قۇجاتتاردىڭ تىزبەسى تۋرالى حابارلاندىرۋ بەرۋ ۇيىمداستىرىلادى;
2) وقۋعا كانديداتتاردى قىزمەت ەتۋ ورنى جانە تۇرعىلىقتى جەرى بويىنشا كاسىبي باعىتتاۋ, ىرىكتەۋ مەن ارنايى تەكسەرۋ جونىندەگى جۇمىستار جۇرگىزىلەدى.
5. وقۋعا كانديداتتار قىزمەتكە جارامدىلىعىن انىقتاۋ ءۇشىن قىزمەت ەتەتىن ورنى جانە تۇرعىلىقتى جەرى بويىنشا مىندەتتى تۇردە اسكەري-دارىگەرلىك كوميسسيالاردا پسيحوفيزيولوگيالىق جانە مەديتسينالىق كۋالاندىرۋدان, سونداي-اق پوليگرافولوگيالىق زەرتتەۋدەن وتەدى.
6. ۇقك ورگاندارىنىڭ كادر قىزمەتتەرى ۇقو جوو-عا جوعارى ءبىلىمنىڭ جانە جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا وقۋعا تۇسۋگە كانديداتتاردىڭ جيناقتالعان جەكە ىستەرىن وقۋعا تۇسەتىن جىلدىڭ 20 مامىرىنا دەيىن ۇسىنادى.
7. ۇقك كادرلار دەپارتامەنتى (شەكارا قىزمەتىنىڭ كادر قىزمەتى) وقۋعا تۇسەتىن جىلدىڭ 10 ماۋسىمىنا دەيىن وقۋعا باراتىن كانديداتتارعا ۇقو جوو-عا وقۋعا قابىلداۋ مەرزىمى تۋرالى ۇقك ورگاندارىنىڭ كادر قىزمەتتەرى ارقىلى حابارلايدى.
8. كانديداتتى ۇقو جوو-عا وقۋعا قابىلداۋ شەت ءتىلىن بىلەتىن قىزمەتكەرلەرگە دايىندىق كۋرستارى بويىنشا بولەك ۇقك جوو-نىڭ باسشىلارى وقۋعا تۇسەتىن جىلدىڭ 31 شىلدەسىنە دەيىن جۇرگىزەدى.
2. قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ
جوو-عا قابىلداۋ ءتارتىبى
9. جوعارى ءبىلىمنىڭ ءبىلىم بەرۋ باعدارلامالارى بويىنشا ۇقك جوو-عا:
1) ورتا نەمەسە ورتا بىلىمنەن كەيىنگى ءبىلىمى بار, اسكەري قىزمەت وتكەرمەگەن, وقۋعا تۇسەتىن جىلى ون جەتى جاسقا تولعان, بىراق جيىرما ءبىر جاستان اسپاعان ازاماتتار;
2) وقۋعا تۇسەتىن جىلى جيىرما ءتورت جاسقا تولماعان, اسكەري قىزمەت نە ارناۋلى مەملەكەتتىك ورگانداردا قىزمەت وتكەرگەن ازاماتتار جانە شاقىرۋ بويىنشا مەرزىمدى اسكەري قىزمەت وتكەرىپ جۇرگەن اسكەري قىزمەتشىلەر;
3) وقۋعا تۇسەتىن جىلى جيىرما بەس جاسقا تولماعان, كەلىسىمشارت بويىنشا اسكەري قىزمەت وتكەرىپ جۇرگەن اسكەري قىزمەتشىلەر نە ارناۋلى مەملەكەتتىك ورگانداردا قىزمەت وتكەرىپ جۇرگەن قىزمەتكەرلەر قابىلدانادى.
10. جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا, اسكەري, ارناۋلى اتاقتارى, وفيتسەرلىك قۇرامنىڭ سىنىپتىق شەندەرى بار ادامداردى قوسپاعاندا, وقۋعا تۇسەتىن جىلى كەمىندە جيىرما ەكى جاسقا تولعان جوعارى ءبىلىمى بار قازاقستان رەسپۋبليكاسىنىڭ ازاماتتارى, سونداي-اق:
1) قاجەتتى جەكە, مورالدىق جانە كاسىبي قاسيەتتەرى, دەنساۋلىق جاعدايى جانە دەنە شىنىقتىرۋ بويىنشا دايىندىعى;
2) وقۋ جەتىستىكتەرىن بالل-رەيتينگتىك ارىپتىك جۇيەسىنە سايكەس باعالاۋ بويىنشا جوعارى بىلىمدەرىنىڭ ورتا بالى 2,67-دەن تومەن ەمەس ء(داستۇرلى باعالاۋ شكالاسى بويىنشا 4 بالدان تومەن ەمەس) ازاماتتار قابىلدانادى.
11. جوعارى ءبىلىم جانە جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا وقۋعا كانديداتتاردىڭ جاسى ۇقو جوو-عا قابىلداۋ كۇنى انىقتالادى.
12. ۇقو جوو-عا وقۋعا تۇسۋگە تىلەك بىلدىرگەن ازاماتتار وقۋعا تۇسەتىن جىلدىڭ الدىنداعى جىلدىڭ 1 قاراشاسىنا دەيىن:
1) جوعارى ءبىلىمنىڭ ءبىلىم بەرۋ باعدارلامالارى بويىنشا تۇرعىلىقتى جانە قىزمەت ورىندارى بويىنشا ۇقك ورگاندارىنا تەستىلەۋدى قاي تىلدە تاپسىراتىندىعىن جانە قاي تىلدە ءبىلىم الاتىندىعىن كورسەتە وتىرىپ:
اسكەرگە شاقىرىلۋشىلار جانە زاپاستاعى اسكەري مىندەتتىلەر – ەركىن نىساندا ءوتىنىش;
اسكەري قىزمەتشىلەر (قىزمەتكەرلەر) – اسكەري ءبولىمنىڭ (ۇقك ورگاندارىنىڭ) باسشىلىعىمەن كەلىسىلگەن بايانات بەرەدى.
وتىنىشكە نەمەسە باياناتقا قوسىمشا مىنالار ۇسىنىلادى:
جالپى ورتا ءبىلىمى تۋرالى قوسىمشاسىمەن بىرگە اتتەستات كوشىرمەسى نەمەسە تەحنيكالىق جانە كاسىبي ءبىلىمى تۋرالى نە بولماسا ورتا بىلىمنەن كەيىنگى ءبىلىم تۋرالى قوسىمشاسىمەن بىرگە ديپلوم كوشىرمەسى;
«ءبىلىم الۋدى اياقتاماعان ادامدارعا بەرىلەتىن انىقتاما نىسانىن بەكىتۋ تۋرالى» قازاقستان رەسپۋبليكاسى ءبىلىم جانە عىلىمي ءمينيسترىنىڭ 2009 جىلعى 12 ماۋسىمداعى № 289 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5717 بولىپ تىركەلگەن) بەكىتىلگەن انىقتاما نىسانىنا سايكەس جالپى ورتا, تەحنيكالىق جانە كاسىبي ءبىلىم الۋدى, سونداي-اق ورتا بىلىمنەن كەيىنگى ءبىلىم بەرۋ ۇيىمدارىن اياقتاماعان ادامدارعا بەرىلەتىن انىقتاما (تۇپنۇسقا);
جەكە باسىن كۋالاندىراتىن قۇجات (كوشىرمە);
تۋ تۋرالى كۋالىك (كوشىرمە);
التى فوتوسۋرەت (باس كيىمسىز, كولەمى 4,5 ح 6 سم);
ءومىربايان جانە ساۋالناما (تۇپنۇسقا).
2) جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلاماسى بويىنشا تۇرعىلىقتى جەرى بويىنشا ۇقك ورگاندارىنا ۇقو جوو-عا قاي تىلدە ءبىلىم الاتىندىعىن كورسەتە وتىرىپ, كانديدات رەتىندە زەردەلەۋگە الۋ تۋرالى ەرىكتى نىسانداعى ءوتىنىش بەرەدى.
ۇقو قىزمەتكەرلەرى مەن اسكەري قىزمەتشىلەرى قىزمەت ورىندارى بويىنشا تىكەلەي باسشىلىعىمەن كەلىسىلگەن ۇقو جوو-عا ءتۇسۋ جانە وقۋعا كانديدات رەتىندە زەردەلەۋ مۇمكىندىگى تۋرالى بايانات بەرەدى.
وتىنىشكە (باياناتقا) مىنالار قوسا ۇسىنىلادى:
جوعارى ءبىلىمى تۋرالى ديپلومنىڭ كوشىرمەسى, ديپلومعا قوسىمشانىڭ كوشىرمەسى (ترانسكريپت). شەتەلدىك ءبىلىم بەرۋ ۇيىمدارىندا, قازاقستان رەسپۋبليكاسىندا قۇرىلعان جانە جۇمىس جاسايتىن حالىقارالىق جانە شەتەلدىك ءبىلىم بەرۋ ۇيىمدارىندا (ولاردىڭ فيليالدارىندا) ءبىلىمى تۋرالى قۇجاتتار العان كانديداتتار, ەگەر قازاقستان رەسپۋبليكاسىنىڭ قولدانىستاعى زاڭنامالارىندا جانە حالىقارالىق شارتتارىندا (كەلىسىمدەردە) وزگەشە كوزدەلمەسە, نوستريفيكاتسيالاۋ جانە تانۋ راسىمدەرىنەن ءوتۋى تۋرالى ءبىلىم بەرۋ سالاسىنداعى ۋاكىلەتتى ورگان بەلگىلەگەن تارتىپتە بەرىلگەن ءتيستى كۋالىكتەردى ۇسىنادى;
جەكە باسىن كۋالاندىراتىن قۇجات (كوشىرمە);
التى فوتوسۋرەت (باس كيىمسىز, كولەمى 4,5 ح 6 سم);
اسكەري بيلەت نەمەسە تىركەۋ كۋالىگى (كوشىرمە);
ەڭبەك كىتاپشاسى نەمەسە ەڭبەك ءوتىلىن راستايتىن وزگە قۇجات (كوشىرمە);
ءومىربايان جانە ساۋالناما (تۇپنۇسقا).
13. سوڭعى كاسىبي ىرىكتەۋگە قاتىسۋ ءۇشىن كەلگەن كەزدە كانديدات ۇقو جوو-نىڭ قابىلداۋ كوميسسياسىنا تەكسەرۋ وتكىزۋ ءۇشىن مىناداي قۇجاتتاردىڭ تۇپنۇسقالارىن ۇسىنادى:
1) جوعارى ءبىلىمنىڭ ءبىلىم بەرۋ باعدارلامالارى بويىنشا – جەكە باسىن كۋالاندىراتىن قۇجات, جالپى ورتا ءبىلىمى تۋرالى اتتەستات قوسىمشاسىمەن بىرگە نەمەسە تەحنيكالىق جانە كاسىبي ءبىلىمى تۋرالى, نە ورتا بىلىمنەن كەيىنگى ءبىلىمى تۋرالى ديپلوم قوسىمشاسىمەن بىرگە, تەستىلەۋ ناتيجەسى 50 بالدان تومەن بولمايتىن كەلەسى پاندەر بويىنشا: قازاق نەمەسە ورىس ءتىلى ء(بىلىم العان ءتىلى), ماتەماتيكا, قازاقستان تاريحى, مەكتەپتە ورىس تىلىندە ءبىلىم العاندار قازاق ءتىلىن جانە مەكتەپتە قازاق تىلىندە ءبىلىم العاندار ورىس ءتىلىن جانە تاڭداۋ ءپانى بويىنشا (فيزيكا), ونىڭ ىشىندە بەيىندىك ءپان بويىنشا 7 بالدان تومەن ەمەس, ال قالعاندارى بويىنشا 4 بالدان تومەن ەمەس ۇلتتىق بىرىڭعاي تەستىلەۋدىڭ (بۇدان ءارى - ۇبت) ناتيجەلەرى بويىنشا سەرتيفيكات. بەيىندىك ءپان – فيزيكا;
2) جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا – جەكە باسىن كۋالاندىراتىن قۇجات, جوعارى ءبىلىمى تۋرالى ديپلوم, ديپلومعا قوسىمشا (ترانسكريپت), اسكەري بيلەت نەمەسە اسكەرگە شاقىرىلۋشىنىڭ كۋالىگى.
14. قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى № 111 قاۋلىسىمەن بەكىتىلگەن جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى قاعيدالارىنا (بۇدان ءارى – ۇلگى قاعيدالار) سايكەس وتكەن جىلدارداعى جالپى ورتا (ورتا جالپى) ءبىلىم بەرۋ ۇيىمدارىنىڭ بىتىرۋشىلەرى, تەحنيكالىق جانە كاسىپتىك (باستاۋىش جانە ورتا كاسىپتىك, ورتا بىلىمنەن كەيىنگى) ءبىلىم بەرۋ ۇيىمدارىنىڭ بىتىرۋشىلەرى, حالىقارالىق وقۋشىلار الماسۋ جەلىسى بويىنشا شەتەلدە وقىعان جالپى ءبىلىم بەرەتىن مەكتەپ بىتىرۋشىلەرى, ۇبت-عا قاتىسپاعان جالپى ءبىلىم بەرەتىن مەكتەپتەردىڭ بىتىرۋشىلەرى, قازاق جانە ورىس تىلدەرىندە وقىتپايتىن جالپى ءبىلىم بەرەتىن مەكتەپتەردىڭ بىتىرۋشىلەرى, رەسپۋبليكالىق مۋزىكا مەكتەپ-ينتەرناتتارىنىڭ بىتىرۋشىلەرى, سونداي-اق وقۋ ورنىن شەتەلدە بىتىرگەن تۇلعالار ءۇشىن كەشەندى تەستىلەۋ وتكىزىلەدى.
15. ۇقو جوو-عا وقۋعا كانديداتتار تومەندەگىلەردى قامتيتىن سوڭعى كاسىبي ىرىكتەۋ كونكۋرسىنان وتەدى:
1) جوعارى ءبىلىمنىڭ ءبىلىم بەرۋ باعدارلامالارى بويىنشا – مەديتسينالىق كۋالاندىرۋ, كاسىبي جارامدىلىعىن جانە دەنە شىنىقتىرۋ دايىندىعىن تەكسەرۋ;
2) جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا – مەديتسينالىق كۋالاندىرۋ, كاسىبي جارامدىلىعىن, دەنە شىنىقتىرۋ دايىندىعىن تەكسەرۋ, ساياساتتانۋ بويىنشا بىلىمدەرىن جانە جازباشا-سويلەۋ داعدىلارىن تەكسەرۋ.
16. ۇقك شەكارا قىزمەتىنىڭ اكادەمياسىنا (بۇدان ءارى – شق اكادەمياسى) وقۋعا تۇسەتىن اسكەري قىزمەتشىلەر قاتارىنداعى كانديداتتارمەن اتالعان وقۋ ورنىنىڭ بازاسىندا جالپى ابيتۋريەنتتىك جيىن الدىنداعى كەزەڭدە دايىندىق جيىنى وتكىزىلەدى.
17. ۇقو جوو-عا قابىلداۋدى مانداتتىق جانە قابىلداۋ كوميسسيالارى جۇزەگە اسىرادى. ءاربىر ۇقو جوو ءۇشىن قابىلداۋ جانە مانداتتىق كوميسسيالاردىڭ قۇرامى ۇقك توراعاسىنىڭ بۇيرىعىمەن جەكە بەكىتىلەدى.
قابىلداۋ جانە مانداتتىق كوميسسيالاردىڭ قۇرامىنا باسشى, سونداي-اق ۇقك ورگاندارىنىڭ وزگە دە قىزمەتكەرلەرى مەن اسكەري قىزمەتشىلەرى ەنگىزىلەدى.
18. قابىلداۋ كوميسسياسى توراعا, توراعانىڭ ورىنباسارى, جاۋاپتى حاتشى جانە كوميسسيانىڭ بەس مۇشەسىنەن كەم بولمايتىن قۇرامنان قۇرىلادى.
قابىلداۋ كوميسسياسى:
وقۋعا تۇسەتىن كانديداتتاردىڭ جەكە ىستەرىن قاراستىرۋدى جۇزەگە اسىرادى;
سوڭعى كاسىبي ىرىكتەۋگە قاتىسۋعا رۇقسات ەتىلگەن وقۋعا تۇسەتىن كانديداتتاردىڭ تىزىمدەرىن بەكىتەدى;
3) سوڭعى كاسىبي ىرىكتەۋ وتكىزەدى;
4) وقۋعا قابىلداۋ ماسەلەلەرى بويىنشا شاعىمدار مەن وتىنىشتەردى قاراستىرادى;
5) كونكۋرس تىزىمدەرى مەن كانديداتتاردى كۋرسانتتار (تىڭداۋشىلار) قاتارىنا قابىلداۋ تۋرالى بۇيرىق جوباسىن ازىرلەيدى;
6) وقۋعا تۇسەتىن كانديداتتاردى ىرىكتەۋ مەن تەكسەرۋ جونىندەگى جۇمىستاردى ودان ءارى جەتىلدىرۋ بويىنشا ۇسىنىستار ازىرلەيدى.
19. قابىلداۋ كوميسسياسىنىڭ توراعاسى ۇقك ورگاندارىنىڭ باستىقتارى (باستىقتاردىڭ ورىنباسارلارى) قاتارىنان تاعايىندالادى.
قابىلداۋ كوميسسياسى توراعاسىنىڭ ورىنباسارى ۇقو جوو باستىقتارىنىڭ ورىنباسارلارى قاتارىنان تاعايىندالادى.
قابىلداۋ كوميسسياسى توراعاسىنىڭ ورىنباسارى قابىلداۋ كوميسسياسىنىڭ مۇشەلەرى مەن قابىلداۋ كوميسسياسىنىڭ جاۋاپتى حاتشىسىنىڭ قىزمەتىن ۇيىمداستىرادى جانە قاداعالايدى, وقۋعا كانديداتتاردىڭ سوڭعى كاسىبي ىرىكتەۋىن وتكىزۋدى ۇيىمداستىرادى.
قابىلداۋ كوميسسياسىنىڭ حاتشىسى ۇقك ورگاندارى باسشى قۇرامىنىڭ قاتارىنان تاعايىندالادى.
قابىلداۋ كوميسسياسىنىڭ حاتشىسى قابىلداۋ كوميسسياسىنا جۇكتەلگەن فۋنكتسيالاردى ىسكە اسىرۋ بويىنشا قۇجاتتاردى, قابىلداۋ كوميسسياسىنىڭ وتىرىستارىنا ماتەريالداردى, سونداي-اق ونىڭ جۇمىسى تۋرالى ەسەپتىڭ جوباسىن ازىرلەۋدى جۇزەگە اسىرادى.
20. قابىلداۋ كوميسسياسىنىڭ شەشىمى بەكىتىلگەن قۇرامىنىڭ كەمىندە ۇشتەن ەكى مۇشەسى بولعان كەزدە كوپشىلىك داۋىسپەن قابىلدانادى. داۋىستار تەڭ بولعان جاعدايدا قابىلداۋ كوميسسياسى توراعاسىنىڭ داۋىسى شەشۋشى بولىپ تابىلادى.
21. مانداتتىق كوميسسيا توراعا, ەكى ورىنباسار, حاتشى جانە كوميسسيانىڭ بەس مۇشەسىنەن كەم بولمايتىن قۇرامنان قۇرالادى.
مانداتتىق كوميسسيا:
1) ۇقو جوو-نىڭ قابىلداۋ كوميسسياسى سوڭعى كاسىبي ىرىكتەۋدەن ءوتۋ ءۇشىن ۇسىنعان كانديداتتاردىڭ جەكە ىستەرىن ىرىكتەپ تەكسەرۋدى جانە تالداۋدى جۇزەگە اسىرادى;
2) قاجەت بولعان جاعدايدا سوڭعى كاسىبي ىرىكتەۋدەن وتكەن جانە ۇقو جوو-عا قابىلدانۋعا كونكۋرسقا قاتىسۋ ءۇشىن جىبەرىلگەن كانديداتتارمەن سۇحباتتاسۋ وتكىزەدى;
3) ۇقو جوو-عا وقۋعا كانديداتتاردىڭ وقۋعا قابىلداۋ ماسەلەلەرى جونىندەگى شاعىمدارى بويىنشا قورىتىندى شەشىم قابىلدايدى;
4) وقۋعا كانديداتتاردى سوڭعى كاسىبي ىرىكتەۋ قورىتىندىسى بويىنشا تالداۋ جاسايدى جانە وسى جۇمىستاردى ودان ءارى جەتىلدىرۋ بويىنشا شارالار ازىرلەيدى.
22. مانداتتىق كوميسسيانىڭ توراعاسى بولىپ ۇقك توراعاسى ورىنباسارلارىنىڭ ءبىرى تاعايىندالادى.
مانداتتىق كوميسسيا توراعاسىنىڭ ورىنباسارلارى ۇقك ورگاندارى جانە ۇقو جوو-نىڭ باستىقتارى قاتارىنان تاعايىندالادى.
مانداتتىق كوميسسيانىڭ حاتشىسى بولىپ ۇقو جوو-نىڭ كادر قىزمەتى باستىعىنىڭ ورىنباسارى نەمەسە قىزمەتكەرلەرىنىڭ (اسكەري قىزمەتشىلەرىنىڭ) ءبىرى تاعايىندالادى.
مانداتتىق كوميسسيا مۇشەلەرى بولىپ ۇقك ورگاندارىنىڭ جانە ۇقو جوو باسشى قۇرامىنىڭ ادامدارى تاعايىندالادى.
23. مانداتتىق كوميسسيا جىل سايىن قۇرىلادى جانە ۇقو جوو-نىڭ قابىلداۋ كوميسسياسى جۇمىس ىستەگەن كەزەڭدە قىزمەت ەتەدى.
مانداتتىق كوميسسيانىڭ جۇمىسىن ۇيىمداستىرۋ كوميسسيا توراعاسى ورىنباسارلارىنىڭ بىرىنە, ال ءىس قاعازدارىن جۇرگىزۋ كوميسسيانىڭ حاتشىسىنا جۇكتەلەدى.
24. وقۋعا كانديداتتاردى مەديتسينالىق كۋالاندىرۋ «قازاقستان رەسپۋبليكاسىنىڭ ارناۋلى مەملەكەتتىك ورگاندارىندا اسكەري-دارىگەرلىك ساراپتاما وتكىزۋ قاعيدالارىن جانە قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري-دارىگەرلىك ساراپتاما ورگاندارى تۋرالى ەرەجەلەردى بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2014 جىلعى 30 جەلتوقسانداعى № 437/قبپ بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10328 بولىپ تىركەلگەن ) سايكەس جۇرگىزىلەدى.
ۇقو جوو-دا مەديتسينالىق كۋالاندىرۋدان وتكىزۋ ءۇشىن جىل سايىن ۇقك توراعاسىنىڭ بۇيرىعىمەن ۋاقىتشا ارەكەت ەتەتىن شتاتتان تىس اسكەري-دارىگەرلىك كوميسسيا (بۇدان ءارى – ادك) قۇرىلادى. ادك قۇرامىن ۇقك ورتالىق اسكەري-دارىگەرلىك كوميسسياسىنىڭ توراعاسى جاساقتايدى.
ادك قۇرامىنا ۇقك اسكەري-دارىگەرلىك بولىمشەلەرىنىڭ جانە ۇقو باسقا دا اسكەري-دارىگەرلىك كوميسسيالارىنىڭ ءتيىستى ماماندىقتاعى مەديتسينا قىزمەتكەرلەرى كىرەدى.
مەديتسينالىق كۋالاندىرۋدان وتكىزۋ كەزىندە كانديداتتاردىڭ ارناۋلى مەملەكەتتىك ورگاندارداعى قىزمەتكە جارامدىلىعى انىقتالادى.
25. سوڭعى كاسىبي ىرىكتەۋ وتكىزۋ ءۇشىن ۇقو جوو باستىقتارىنىڭ بۇيرىقتارىمەن ارنايى (پاندىك, ساراپتاما) كوميسسيالار (بۇدان ءارى – ارنايى كوميسسيالار) قۇرىلادى.
ارنايى كوميسسيا قۇرامىنا ءۇش ادامنان كەم بولمايتىن ۇلتتىق قاۋىپسىزدىك ورگاندارىنىڭ تاجىريبەلى جانە بىلىكتى قىزمەتكەرلەرى (اسكەري قىزمەتشىلەرى), ۇقو جوو وقىتۋشىلارى كىرەدى.
26. كاسىبي جارامدىلىعىن تەكسەرۋدى ارنايى كوميسسيا جۇزەگە اسىرادى جانە كانديداتتىڭ كاسىبي قۇزىرەتتىلىگى قىزمەتتىك ءىس-قيمىلدىڭ جوسپارلانىپ وتىرعان ۋچاسكەسىنە (باعىتىنا) سايكەس كەلۋ دارەجەسىن انىقتاۋعا باعىتتالعان.
27. كانديداتتاردىڭ دەنە شىنىقتىرۋ دايىندىعىن تەكسەرۋدى وسى قاعيدالارعا 1-قوسىمشاعا سايكەس كانديداتتاردىڭ دەنە شىنىقتىرۋ دايىندىعىن باعالاۋ ولشەمشارتتارىنا سايكەس ارنايى كوميسسيا جۇزەگە اسىرادى.
28. ساياساتتانۋ بويىنشا بىلىمدەرىن تەكسەرۋ سۇحباتتاسۋ تۇرىندە وتكىزىلەدى.
29. اۋىزشا-جازباشا داعدىلارىن تەكسەرۋ جازبا جۇمىسىن (ەسسە) ورىنداۋ نىسانىندا جۇرگىزىلەدى.
30. وقۋ ورنىنا قابىلداۋ ءتارتىبى, ۇقو جوو قابىلداۋ كوميسسياسىنىڭ وقۋعا قابىلداۋ ماسەلەلەرى جانە سوڭعى كاسىبي ىرىكتەۋ ناتيجەلەرى تۋرالى اقپاراتتار حابارلاندىرۋ تاقتايشاسىنا ورنالاستىرىلادى.
31. ۇقو جوو-عا قابىلداۋ:
سوڭعى كاسىبي ىرىكتەۋ دەرەكتەرىن ەسكەرە وتىرىپ, ۇبت (كەشەندىك تەستىلەۋ) بالدارىنا سايكەس جوعارى ءبىلىمنىڭ ءبىلىم بەرۋ باعدارلامالارى بويىنشا;
سوڭعى كاسىبي ىرىكتەۋ ناتيجەلەرى بويىنشا جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا كونكۋرستىق نەگىزدە مانداتتىق كوميسسيانىڭ شەشىمىمەن جۇرگىزىلەدى.
32. قىزمەت وتكەرۋ كەزىندە قايتىس بولعان, حابارسىز جوعالىپ كەتكەن نەمەسە ارناۋلى (اسكەري) قىزمەت وتكەرۋ كەزىندە مۇگەدەكتىك العان ۇقو قىزمەتكەرلەرىنىڭ (اسكەري قىزمەتشىلەرىنىڭ) بالالارى وقۋعا تۇسۋشىلەرگە قويىلعان تالاپتار بويىنشا شەكتىك دەڭگەيدىڭ بالدارىن جيناعان جاعدايدا شق اكادەمياسىنا كونكۋرستان تىس وقۋعا قابىلدانادى.
33. كونكۋرس وتكىزۋ كەزىندە بىردەي كورسەتكىشكە يە بولعان جاعدايدا باسىمدىق قۇقىعىنا يە بولادى:
1) جوعارى ءبىلىمنىڭ ءبىلىم بەرۋ باعدارلامالارى بويىنشا:
جەتىم بالالار جانە اتا-اناسىنىڭ اسىراۋىنسىز قالعان بالالار;
سوعىسقا قاتىسۋشىلارعا بەرىلەتىن جەڭىلدىكتەر مەن كەپىلدىكتەرگە تەڭەستىرىلگەندەر;
«التىن بەلگى» بەلگىسىمەن ماراپاتتالعان ادامدار;
ۇزدىك ءبىلىمى تۋرالى قۇجاتى (كۋالىكتەر, اتتەستاتتار, ديپلومدار) بار ادامدار;
تىزبەسىن ءبىلىم بەرۋ سالاسىنداعى ۋاكىلەتتى ورگان ايقىندايتىن جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنىڭ (عىلىمي جارىستاردىڭ) ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان), ورىنداۋشىلاردىڭ رەسپۋبليكالىق جانە حالىقارالىق كونكۋرستاردىڭ جانە سپورتتىق جارىستاردىڭ ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان) سوڭعى ءۇش جىلداعى جەڭىمپازدارىنىڭ, سونداي-اق وزدەرى تاڭداعان ماماندىقتارى وليمپيادانىڭ, كونكۋرستىڭ نەمەسە سپورتتىق جارىستىڭ پانىنە سايكەس كەلگەن جاعدايدا, جالپى ءبىلىم بەرەتىن پاندەر بويىنشا اعىمداعى جىلعى پرەزيدەنتتىك, رەسپۋبليكالىق وليمپيادالار مەن عىلىمي جوبالار كونكۋرستارىنىڭ ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان) جەڭىمپازدارىنىڭ باسىم قۇقىعى بار;
«جاس ۇلان» رەسپۋبليكالىق مەكتەبىنىڭ تۇلەكتەرى;
اسكەري دايىندىق بويىنشا قوسىمشا باعدارلامالارى بار ءبىلىم بەرۋ ۇيىمدارىنىڭ تاربيەلەنۋشىلەرى.
2) جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا:
ۇزدىك ءبىلىمى تۋرالى قۇجاتتارى (ديپلومى) بار ادامدار;
ديپلوم قوسىمشاسىندا (ترانسكريپتتە) اناعۇرلىم جوعارى ورتاشا بالى بار ادامدار.
34. كۋرسانتتار قۇرامىنا قابىلداۋ تۋرالى مانداتتىق كوميسسيانىڭ شەشىمى ۇقو جوو باستىقتارىنىڭ بۇيرىقتارىمەن رەسىمدەلەدى.
جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا وقۋعا قابىلداۋ قاعيدالارىنا 1-قوسىمشا
كانديداتتاردىڭ دەنە شىنىقتىرۋ دايىندىعىن باعالاۋ ولشەمشارتتارى
1. ورتا ءبىلىم بەرۋ ۇيىمدارىن بىتىرگەننەن كەيىن جوعارى ءبىلىمنىڭ ءبىلىم بەرۋ باعدارلامالارى بويىنشا ۇقو جوو-عا وقۋعا تۇسەتىن ادامدار ءۇشىن
جاتتىعۋ وتە جاقسى جاقسى قاناعاتتانارلىق
بەلاعاشتا تارتىلۋ (قانشا رەت) 11 9 7
100 مەترگە جۇگىرۋ (سەك) 14,0 14,2 14,8
3000 مەترگە جۇگىرۋ (مين.سەك) 12.15 12.45 13.30
2. ۇقو جوو-عا جوعارى ءبىلىمنىڭ وقۋ باعدارلامالارى بويىنشا وقۋعا تۇسەتىن قىزمەتكەرلەر (اسكەري قىزمەتشىلەر) ءۇشىن
جاتتىعۋ وتە جاقسى جاقسى قاناعاتتانارلىق
بەلاعاشتا تارتىلۋ (قانشا رەت) 15 13 9
100 مەترگە جۇگىرۋ (سەك) 13,9 14,4 15,2
3000 مەترگە جۇگىرۋ (مين.سەك) 12.10 12.25 12.50
3. ۇقو جوو-عا جوعارى ءبىلىمنىڭ وقىتۋ مەرزىمى قىسقارتىلعان ءبىلىم بەرۋ باعدارلامالارى بويىنشا وقۋعا تۇسەتىن ادامدار ءۇشىن
ەرلەر
1-توپ 25 جاسقا دەيىن:
جاتتىعۋ وتە جاقسى جاقسى قاناعاتتانارلىق
بەلاعاشتا تارتىلۋ (قانشا رەت) 15 13 9
100 مەترگە جۇگىرۋ (سەك) 13,9 14,4 15,2
3000 مەترگە جۇگىرۋ (مين.سەك) 12.10 12.25 12.50
2-توپ 25-30 جاس ارالىعى:
جاتتىعۋ وتە جاقسى جاقسى قاناعاتتانارلىق
بەلاعاشتا تارتىلۋ (قانشا رەت) 14 12 8
100 مەترگە جۇگىرۋ (سەك) 14,0 14,5 15,3
3000 مەترگە جۇگىرۋ (مين.سەك) 12.20 12.35 13.00
3-توپ 30-35 جاس ارالىعى:
جاتتىعۋ وتە جاقسى جاقسى قاناعاتتانارلىق
بەلاعاشتا تارتىلۋ (قانشا رەت) 12 10 6
100 مەترگە جۇگىرۋ (سەك) 14,8 15,4 16,2
3000 مەترگە جۇگىرۋ (مين.سەك) 14.0 14.45 15.30
ايەلدەر
1-توپ 25 جاسقا دەيىن:
جاتتىعۋ وتە جاقسى جاقسى قاناعاتتانارلىق
كەشەندى-كۇشتىك جاتتىعۋ (قانشا رەت) 34 30 26
100 مەترگە جۇگىرۋ (سەك) 16,6 17,2 18,0
1000 مەترگە جۇگىرۋ (مين.سەك) 4.00 4.15 4.35
2-توپ 25-30 جاس ارالىعى:
جاتتىعۋ وتە جاقسى جاقسى قاناعاتتانارلىق
كەشەندى-كۇشتىك جاتتىعۋ (قانشا رەت) 30 26 22
100 مەترگە جۇگىرۋ (سەك) 17,2 17,8 18,6
1000 مەترگە جۇگىرۋ (مين.سەك) 4.20 4.40 5.10
3-توپ 30-35 جاس ارالىعى:
جاتتىعۋ وتە جاقسى جاقسى قاناعاتتانارلىق
كەشەندى-كۇشتىك جاتتىعۋ (قانشا رەت) 26 22 18
100 مەترگە جۇگىرۋ (سەك) 17,8 18,4 19,2
1000 مەترگە جۇگىرۋ (مين.سەك) 4.40 4.55 5.30
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ
2016 جىلعى 13 قاڭتارداعى № 2 بۇيرىعىنا 2-قوسىمشا
قازاقستان رەسپۋبليكاسى ۇلتتىق قاۋىپسىزدىك كوميتەتى
توراعاسىنىڭ كۇشى جويىلعان كەيبىر بۇيرىقتارىنىڭ تىزبەسى
1. «جوعارى ءبىلىمنىڭ كاسىبي وقۋ باعدارلاماسىن ىسكە اسىراتىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ارناۋلى (اسكەري) وقۋ ورىندارىنا وقۋعا قابىلداۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2012 جىلعى 20 جەلتوقسانداعى № 590 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8211 بولىپ تىركەلگەن, «ەگەمەن قازاقستان» گازەتىندە 2013 جىلعى 23 قاڭتاردا № 24-25 (27298-27299) جاريالانعان).
2. «جوعارى ءبىلىمنىڭ كاسىبي وقۋ باعدارلامالارىن قىسقارتىلعان مەرزىمدە ىسكە اسىراتىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ارناۋلى (اسكەري) وقۋ ورىندارىنا وقۋعا قابىلداۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 12 ساۋىردەگى № 182 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8449 بولىپ تىركەلگەن, «ەگەمەن قازاقستان» گازەتىندە 2013 جىلعى 5 ماۋسىمدا № 190-191 (27464-27465) جاريالانعان).
3. «قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ كەيبىر بۇيرىقتارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2015 جىلعى 20 ناۋرىزداعى № 15 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11039 بولىپ تىركەلگەن, «ادىلەت» قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە 2015 جىلعى 21 مامىردا جاريالانعان).
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 17 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13104 بولىپ ەنگىزىلدى.